Чемпионатда юзага келган кичик танаффус пайтида жамоамиз ёшлари биринчи лига вакили “Норин” билан назорат ўйинида куч синашишди.
Бундан бироз вақт олдин якунланган учрашувда 1:1 ҳисоби қайд этилди. Учрашувнинг биринчи бўлимида мезбонлар ҳисобни очишга эришишган бўлса танаффусдан кейин Шоҳжаҳон Аббосов баҳсни дуранг натижа билан якунланишини таъминлади. Ушбу ўйинда мураббийлар “Қўқон-1912” жамоаси билан ўтган сўнгги турда майдонга туша олмаган асосий таркиб аъзолари Мурод Тўйчибоев, Ғайрат Жўраев, Владислав Алексин каби футболчиларга ҳам имкон беришди.
Учрашувда жамоамиз таркиби қуйидагича бўлди: Мирзохид Маматхонов, Жавоҳир Олимжонов, Мурод Тўйчибоев, Ғолиббек Каримов, Азизбек Мамазойитов, Билол Шарофиддинов, Азизбек Турғунбоев, Ғайрат Жўраев, Аҳмад Мамадалиев, Владислав Алексин, Шоҳжаҳон Аббосов. Захирадан майдонга тушганлар: Шаҳзод Ҳамидов, Ислом Абдуқодиров, Иброҳим Исмоилов, Илҳом Алибоев, Абдулазиз Жалилов, Хусан Ғаниев.
