Испания футболи тарихи ва статистикасини ўрганиш маркази (CIHEFE) Примера тарихидаги энг яхши футболчилар рейтингини тузиб чиқди.

Очколар қуйидаги тартибда ҳисобланди: гол учун 1 очко, пенальтидан урилган гол учун 0,6 очко. Майдонда ҳаракат қилган дақиқаси, голга олиб келган узатмаси учун ҳам очко берилди. Четлатиш ва автогол учун мос равишда 1,5 ва 0,4 очко олиб ташланди.

Натижада Испания чемпионатининг энг яхши футболчилари рейтинги топ-5 қуйидагича бўлди:

1. Рауль Гонсалес (528 очко) ("Реал")
2. Сезар Родригес (524) ("Барселона")
3. Тельмо Сарра (493) ("Атлетик")
4. Лионель Месси (490) ("Барселона")
5. Энрике "Кини" Кастро (488) ("Барселона")

Кучли ўнликка Хуан Арса ("Севилья"), Альфредо ди Стефано ("Реал"), Франциско Хенто ("Реал"), Карлос "Сантильяна" Алонсо ("Реал"), Гильермо Горостиса ("Атлетик") ҳам кирди.

«Реал» ҳужумчиси Криштиану Роналду 23-ўринда қолди. Давид Вилья 32-ўрин, Хави 49-ўрин ва Икер Касильяс 62-ўринни эгаллади.