Япониянинг аксилтеррор технологиялари ишлаб чиқарувчилари Токио–2020 ёзги Олимпиадасига қадар хавфсизлик тизимини такомиллаштиради. Бу ҳақда Yomiuri Shimbun газетасига таяниб, «ТАСС» хабар бермоқда.
Токио–2020 Олимпиадасида хавфсизликни таъминлайдиган янги технологиялар орасида уч сония ичида кичик миқдордаги портловчи моддаларни аниқлайдиган дарвозалар, оломоннинг ҳаракатини аниқлай олувчи кузатув камералари тилга олинмоқда. Бундай қурилмалар оломон ичидаги одамлар сонини ва уларнинг ҳаракатини таҳлил қилади.
«Ушбу технологияларни яқин икки йил ичида жорий этиб, илмий ютуқларимизни ривожлантиришда давом этишимиз керак», – деди Япония жамоат сиёсати масалалари бўйича катта мутахассиси Исао Итабаши.
Маълумот учун, Токио–2020 Олимпия ўйинлари 24 июль – 9 август кунлари бўлиб ўтади.
