Мадриднинг As нашри раҳбари Альфредо Реланьо Испания терма жамоаси ҳимоячиси Жерар Пикедан узр сўради.
Пике Албанияга қарши ўйинда Испания байроғи ҳошиялари туширилмаган футболкада майдонга тушган эди. Шундан сўнг у ҳошияларни атайин кесиб ташлаганликда айбланди. Пике эса жаҳл қилиб, терма жамоадаги фаолиятини якунлашини эълон қилди.
«Умид қиламанки Жерар Пике ўз фикридан қайтади. У туҳмат остида қолди, бу ноҳақлик. Ҳошия билан боғлиқ вазият нотўғри талқин қилинди.
Пике терма жамоадаги ажойиб ўйини билан барчага ўрнак бўла олди. «Барселона» эса ҳар доим терма жамоани зўр футболчилар билан бойитиб келган, буни унутмаслик лозим» - деди Реланьо.
