Нигерия терма жамоаси футболчилари ЖЧ-2018 саралашидан ўрин олган Замбияга (2:1) қарши ўйиндан сўнг қуролли ҳужумга учради.

Икки киши ўзини полиция ходими деб таништириб, Футбол федерацияси вице-президенти Шеху Диккони қўлга олишга ҳаракат қилди. Ҳужжат талаб қилинганида, улардан бири қуролини олиб, осмонга қарата ўқ узди.

Нигерия терма жамоаси футболчилари зудлик билан аэропортдан эвакуация қилинди. Хабарга кўра, ҳеч ким жабрланмади.

Нигерия терма жамоаси таркибида шу пайтда Жон Оби Микел («Челси»), Алекс Ивоби («Арсенал»), Келечи Ихеаначо («Манчестер Сити»), Чисамба Лунгу («Урал») ва Ахмад Муса («Лестер») каби футболчилар бор эди.