Кремль расмий вакили Дмитрий Песков россиялик таниқли жангчи Фёдор Емельяненконинг қизига уюштирилган ҳужум юзасидан шошилинч хулосалар қилмасликка чақирди. У воқеадан бохабар, президент Владимир Путинга ҳам бу воқеа юзасидан ахборот берилган, деб хабар беради «Ведомости».

Кеча, 12 октябрь куни, Емельяненконинг 9 ёшли қизига кўчада номаълум шахслар ҳужум қилгани маълум бўлди. Бу гап-сўзларни Емельяненконинг матбуот котиби Юлия Куклина ҳам тасдиқлади.

Қизнинг аҳволи яхшилиги айтилмоқда.

«Умуман олганда, болага ҳужум қилиниши — йўл қўйиб бўлмайдиган ҳолат, бу ҳужум уюштирганларни топиш бўйича энг қатъий чораларни кўришни талаб этади. Аммо бу ҳолатда мен ташкилотчилар аниқланмагунига қадар гумонлардан қочишни тавсия этган бўлардим», — деди Песков.

Фёдор Емельяненко 4 октябрь куни Грозний шаҳрида ўтказилган Grand Prix Akhmat 2016 аралаш жанглар турнирида ёш болалар иштирокини танқид қилганди.

Кейинроқ «Ахмат» клуби президенти Абузайд Висмурадов Россия MMA раҳбарининг ушбу масала юзасидан танқид қилишга ҳаққи йўқ эканиниайтганди.

Шунингдек, Чеченистон раҳбари Рамзан Қодиров Емельяненконинг танқидига ўз муносабатини билдирган эди.