Ўзбекистон ёшлари Тожикистон устида иродали ғалабага эришди

Ўзбекистон ёшлар терма жамоаси Осиё чемпионатини ғалаба билан бошлади. Жасур Абдураимов шогирдлари Тожикистон термаси устидан иродали ғалаба қозонишди.

Биринчи ўйин бўлгани учун бўлса керак, жамоамизнинг ўйини қовушмади, айниқса, биринчи бўлимда. Балки баҳснинг 7-дақиқасида Тўхтасинов томонидан 22 метрлардан йўлланган зарба устунга эмас, тўрга бориб тушганида, ўйин бошқача кечиши ҳам мумкин эди. Боз устига, 20-дақиқада қўшниларимиз унчалик хавфли бўлмаган вазиятни голга айлантиришди. Жарима майдончасига етказилган узатмага Кароматулло Саидов 14 метрлардан бош билан зарба берди. Тўп Эргашевнинг устидан ошиб ўтиб, тўрга бориб тушди.

Танаффусгача жамоамиз рақиб мудофаасини ёриб ўтишнинг уддасидан чиқа олмади. Иккинчи бўлим бошида Абдураимов бирданига 3та ўзгариш қўл урди. Бу ўзгаришлар ўз самарасини берди.

Ниҳоят, иккинчи бўлим ўрталарида ўзбекистонлик ёшлар бир-бирига ўхшаш икки ҳужумда рақиб дарвозасини икки марта ишғол қилишди. Дастлаб терма жамоамиз қисқа паслар орқали чап томондан жарима майдончасига киришди. Саиджамол Давлатжонов бир ҳимоячини алдади ва ўнг оёқда олис бурчакни аниқ нишонга олди.

Орадан 6 дақиқа ўтиб Жасурбек Яхшибоев ўнг қанот марказ томон сурилди ва жарима майдончаси чизиғи устида чап оёқда олис бурчакни аниқ нишонга олди.

Дарвоқе, иккинчи бўлимда ўзбек футболчиси томонидан йўлланган зарба натижаси тўп яна бир марта Тожикистон дарвозаси устунига текканини таъкидлаш лозим.

Ўзбекистон ёшлари сўнгги бўлимда тўпни тўлиқ назорат қилишди ва илк ўйинда ғалабани расмийлаштиришди. Жамоамиз навбатдаги учрашувни 18 октябрь куни Австралияга қарши ўтказади.

Ёшлар ўртасидаги Осиё чемпионати. "D" гуруҳи, 1-тур
ЎЗБЕКИСТОН - ТОЖИКИСТОН - 2:1 (0:1)
Голлар: Саиджамол Давлатжонов (67), Жасурбек Яхшибоев (72) — Кароматилло Саидов (20)
Огоҳлантиришлар: Шароф Муҳиддинов (28), Ойбек Рустамов (31) — Кароматилло Саидов (22), Ваҳдат Ҳанонов (90+4)
Ўзбекистон: 12.Умиджон Эргашев, 3.Ҳожиакбар Алижонов, 4.Исломжон Қобилов (С), 5.Хушнудбек Авилов, 6.Азизжон Ғаниев, 7.Санжар Қодирқулов (Саиджамол Давлатжонов 46), 9.Жасурбек Яхшибоев, 14.Шароф Муҳиддинов, 15.Ойбек Рустамов, 22.Бегзод Ғанижонов (Бобур Абдухолиқов 46), 23.Нурилло Тўхтасинов (Жамшид Юсупов 46)
Тожикистон: 23.Беҳруз Хайриев, 3.Давлатмир Табрезий, 5.Доробжон Эргашев, 7.Кароматулло Саидов (С), 9.Муҳаммаджоний Ҳасан (Далер Ёдгоров 73), 10.Мухсинжон Парпиев, 11.Нуриддин Ҳамроқулов, 14.Ваҳдат Ҳанонов, 15.Зоир Жўрабоев, 17.Паншанбе Эҳсоний (Ҳожибой Зиёев 85), 19.Азимжон Раҳмонов
Бош ҳакам: Нивон Робеш Гамини (Шри Ланка)

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

22/12 00:45	Лечче	1-2	Лацио
22/12 01:00	Барселона	1-2	Атлетико
22/12 16:30	Рома	5-0	Парма
22/12 18:00	Валенсия	2-2	Алавес
22/12 19:00	Фулхэм	0-0	Саутгемптон
22/12 19:00	Лестер	0-3	Вулверхэмптон
22/12 19:00	Ман. Юнайтед	0-3	Борнмут
22/12 19:00	Эвертон	0-0	Челси
22/12 19:00	Венеция	2-1	Кальяри
22/12 20:15	Реал Мадрид	4-2	Севилья
22/12 21:30	Тоттенхэм	3-6	Ливерпуль
22/12 22:00	Аталанта	3-2	Эмполи
22/12 22:30	Леганес	2-5	Вильярреал
22/12 22:30	Лас-Пальмас	1-0	Эспаньол
23/12 00:45	Монца	1-2	Ювентус
23/12 01:00	Бетис	1-1	Райо Вальекано
23/12 22:30	Фиорентина	-	Удинезе
24/12 00:45	Интер	-	Комо

Ўзбекистон ёшлари Тожикистон устида иродали ғалабага эришди

ЭНГ КЎП ЎҚИЛГАН ЯНГИЛИКЛАР