Бугун “Насаф” футбол мактаби стадионида Ўзбекситон Биринчилиги 32-тур доирасидаги “Насаф-2” – “Пахтакор-2” учрашуви бўлиб ўтади. Учрашув соат 16:00да старт олади.

“Насаф-2” жамоамиз мавсумда 26та учрашув ўтказди ва очколари сони 36тага тенг. Турнир жадвалининг 6-поғонасини банд этиб турибди.

Ўтган 31-турда ўз майдонидаги аламли мағлубиятга учраган, Нурали Султонов шогирдлари бугун ғалаба учун майдонга тушишлари аниқ.

Бугунги учрашувни бошқариб борадиган ҳакамлар номи ҳам маълум бўлган. Унга кўра, учрашувни Бухоролик ҳакам Шуҳрат Ражабов бошқаради. Унга қанотларда самарқандлик ҳакамлар Сардор Ҳакимов ва Шерзод Қамаровлар ёрдам беришади. Учрашув назоратчиси Хушвақт Мухторов, Самарқанд шаҳридан.

Ўзбекистон Биринчилиги. 32-тур. 16.10.2016 й.

“Насаф-2” (Қарши) – “Пахтакор-2” (Тошкент)

“Насаф” ФМ стадиони. Соат 16:00да.

Бош ҳакам: Шуҳрат Ражабов (Бухоро)

Ёрдамчи ҳакамлар: Сардор Ҳакимов, Шерзод Қамаров (иккаласи ҳам Самарқанддан)

Назоратчи: Хушвақт Мухторов (Самарқанд).

Кеча ушбу тур доирасида 4та учрашув бўлиб ўтди. Натижаларни эътиборингизга ҳавола қиамиз.

“Косонсой” (Косонсой) – “УзДонгЖу” (Андижон) 3:1

“Хотира-79” (Уйчи)  – “Норин” (Хаққулобод) 0:1

“Зомин” (Зомин) – “Орол” (Нукус) 4:3

“Динамо” (Самарқанд) – “Хоразм” (Урганч) 3:0

Бугун яна ушбу тур доирасида қуйидаги учрашувлар бўлиб ўтади.

“Машъал-2” (Муборак) – “НБУ Осиё” (Тошкент)

“Ғиждувон” (Ғиждувон) – “Нурафшон” (Бухоро)

Эртага 17 октябр куни Ўзбекистон Биринчилигининг 32-турнинг сўнгги учрашуви Тошкентда бўлиб ўтади. Бунда “Локомотив – БФК” (Тошкент) – “Ёзёвон-Лочинлари” (Ёзёвон) жамоалари ўзаро ҳисоб-китоб қилишади.

Навбатдаги 33-тур учрашувлари 23 октябр куни ўтказилади. Бу турда жамоамиз Нукуснинг “Орол” жамоаси меҳмони бўлади.

Барча мухлисларни стадионимизга чорлаб қоламиз.