Жанубий Африкалик Паралимпия спортчиси Оскар Писториус бувисини дафн маросимида иштирок этиш учун қамоқхонадан вақтинча чиқариладиган бўлди.

У 2013 йили қаллиғи Рева Стенкампни қотиллигида айбланиб, 6 йиллик қамоқ жазосига маҳкум қилинган эди.

Оскар ёшлигида онасидан айрилган ва бувисининг қўлида катта бўлган эди. Шу туфайли у маъмуриятдан бувиси билан хайрлашиш учун рухсат сўраган. Қамоқхона маъмурияти эса маҳбус спортчининг намунали ҳулқ-атвори учун бу ишни қилишга рози бўлган.

Энди у соқчилар ҳамроҳлигида 4 соат муддатга қамоқхонадан чиқарилади ва бувисини сўнгги йўлга кузатиб қўяди.