Таиланд футбол федерацияси (ТФФ) ФИФА, ОФК ва Австралия футбол федерациясига мурожаат қилиб, мамлакат қироли Пхумипоннинг ўлими сабабли ЖЧ-2018 саралашидан ўрин олган Австралияга қарши ўйинни бошқа мамлакатга кўчиришни сўради.
«Умид қиламизки, Австралия биринчи ўйинни ўз майдонида ўтказишга рози бўлади. Агар келишолмасак, нейтрал мамлакатни излаймиз. Ўйинни бошқа муддатга кўчиришнинг иложи йўқ» - дейилади ТФФ хабарида.
88 ёшли қирол Пхумипон 70 йил давомида Таиландни бошқарган ва яқинда оламдан ўтган эди. Шу сабабли, мамлакатда барча кўнгилочар тадбирлар 1 ой муддатга, футбол ўйинлари эса йил охирига қадар бекор қилинди.
