«Реал» ва Бразилия терма жамоасининг собиқ ҳужумчиси Роналдо дўсти Роберто Карлос ҳақида илиқ сўзларни айтди.
«Роберто Карлос билан жуда кўп вақтни бирга ўтказганмиз. Агар у бўлмаганида, ҳозир тириклар қаторида юрмаган бўлардим.
Бир куни ётоқхонамизда ўтирган эдик. Кейин бироз мизғиб олмоқчи бўлдим. Шундан сўнг негадир менда тутқаноқ бошланиб қолди. Ҳатто ҳушимдан кетиб қолдим. Карлос эса олдинига мени ҳазиллашяпти деб ўйлаган. Кейинчалик тезда ёрдам кўрсатиб, ҳаётимни сақлаб қолган» - деди Роналдо Onda Cero хабарида.
