Нидерландияда, сунъий майдонларда футбол ўйнаш саратон касалини келтириб чиқариши мумкинлиги ҳақида хабарлар тарқалган эди.
Бу борада мамлакат футбол федерациясининг матбуот котиби Кун Адриансе баёнот берди.
«Сунъий қопламали майдонларда футбол ўйнаш саратон касалини келтириб чиқаришини аниқлаш мақсадида, Нидерландияда изланишлар ўтказилди. Бироқ ҳеч қандай салбий натижа олинмади. Аммо, бу борада яна бир марта изланиш ўтказиладиган бўлди.
АҚШ ва Англиянинг баъзи олимлари сунъий майдонларнинг зарари ҳақида гапирган эди. Шунинг учун ҳам биз қўшимча изланишларни ўтказиш учун ҳукуматга мурожаат қилдик» - деди Кун Адриансе.
