Аргентиналик аёл ҳакам Мария Эухения Роко «Кильмес» ва «Депортиво де Мерло» жамоалари ўртасидаги учрашувдан сўнг унга ҳужум уюштирилганини маълум қилди. Бу ҳақда «Корреспондент.net» хабар бермоқда.

Учрашув «Кильмес» фойдасига 2:1 ҳисоби билан якунланди. Мариянинг шикоятига кўра, учрашув тугаши билан ютқизган жамоа футболчиси уни урган. Жанжал кўтарган футболчининг исми — Эммануэль Францес.

Ўйиннинг асосий ҳаками Хорхе Брогги эди. Мария учрашувда ён ҳакам бўлиб ишлаётган эди.

Учрашув тугаганидан сўнг ўйинчилар Броггини ўраб олиб, жанжал кўтарган. Уларни тинчлантириш мақсадида аёл футболчиларга яқинлашган. 7-рақамли футболчи орқадан туриб аёлнинг бўйнига урган. Бу ишни қилган футболчи шу заҳотиёқ қочиб кетган ва бошқа футболчилар ичида ғойиб бўлган.

Мария ушбу воқеа юзасидан полицияга шикоят аризасини киритди.