Германия футболининг юлдузи Лотар Маттеус «Бавария» клуби раҳбариятининг трансфер сиёсатини танқид қилди.
«Кроос мен учун энг яхши немис яримҳимоячиси. Дунё миқёсида ҳам ундан ўзиб кетадиган яримҳимоячини кўрмаяпман. У миллий терма жамоада ҳам етакчига айланган. Албатта «Бавария» ўз хатосини омма олдида айтмаса ҳам, тан олган. Клуб Кроосни қўйиб юбормаслиги керак эди. Раҳбарият унга Мюллер, Лам ва Нойер билан тенг маош беришни истамаган. Лекин у бунга ҳақли ўйин намойиш этганди» - деди Маттеус Sport Bild хабарида.
Яқинда «Реал» Кроос билан тузган шартномасини 2022 йилгача узайтирди ва унга йилига 20 млн евро маош тайинлади.
