ЖЧ-2018 саралашидан ўрин олган Таиланд – Австралия ўйини 15 ноябрь куни Бангкок шаҳрида ўтказиладиган бўлди.
Гап шундаки, мамлакат қироли Пхумипоннинг ўлими сабабли, таиландликлар бу ўйинни бошқа мамлакатда ўтказишмоқчи эди. Бироқ бу борада ўринли ечим топилмади ва ўйин белгиланган жойда ўтказиладиган бўлди.
Шу муносабат юзасидан, Таиланд футбол федерацияси австралиялик мухлисларга мурожаат қилиб, мамлакатда жорий қилинган мотамни ҳурмат қилишни, оқ, кулранг ёки қора кийим кийишни, стадионга баннер, барабан ва ҳуштакларни олиб кирмасликни тавсия қилди.
Бундан ташқари, стадионда ва унинг атрофида хурсандчилик қилмаслик, бақир-чақирга йўл қўймаслик ҳақида кўрсатма берилди.
Эслатиб ўтамиз, мамлакатни 70 йил давомида бошқарган қирол Пхумипоннинг ўлими сабабли, таиландда барча кўнгилочар тадбирлар 1 ой муддатга, футбол ўйинлари эса йил охирига қадар тақиқланди.
