24 октябрь, душанба куни "Челси" хўжайини Роман Абрамович 50 ёшга тўлади. Англия Премьер-лигасининг 9-тури доирасида бўлиб ўтадиган «Манчестер Юнайтед»га қарши ўйиндаги ғалаба клуб эгаси учун яхши совға бўлади, деб ҳисоблайди Антонио Конте.
«Абрамович ўзининг "Челси"га садоқати туфайли бунга муносиб. Мен ва футболчилар унга совға қилишни истаймиз. Қийин бўлади, боиси "МЮ" яхши жамоа. Қийин бўлишини биламиз, аммо улар "Бриж"га биз учун қулай пайтда ташриф буюришади», — деди Конте.