«Валенсия» спорт директори Хесус Гарсия Питарх Ла лиганинг 9-тури доирасида "Барселона"га қарши ўйинни бошқариб борган ҳакам Альберто Ундиано Мальенкони танқид қилди. Ҳал қилувчи голни каталонияликлар ҳужумчиси Лионель Месси 94-дақиқада пенальтидан урди.
«Мальенко ва унинг ёрдамчилари ўйинни қайта кўриб чиқишса, учрашувни қай тариқа бошқаришганидан уялишса керак. Улар "Валенсия"ни камида 1 очкодан маҳрум қилишди. Биз мағлубиятга муносиб эмасдик», — дейди Питарх.
"Валенсия" бош мураббийи Чезаре Пранделли эса ҳакамлик ҳақида гапиришни ёқтирмаслигини таъкидлаб ўтди.