Теннис бўйича жуфтлик баҳсларида АҚШ ва Австралия Очиқ чемпионатларининг амалдаги ғолиби, шотландиялик Жейми Маррей Британия империяси Ордени билан тақдирланди. Бу ҳақда «ТАСС» хабар бермоқда.
30 ёшли Жейми Маррейни орден билан тақдирлаш маросими Лондондаги Букингем саройида бўлиб ўтди. Теннисчига мукофотни Буюк Британия қироличаси Елизавета II тақдим қилди.
Жейми Маррейнинг укаси Энди ушбу орден билан 2013 йилда, яккалик баҳсларида «Уимблдон» турнирида ғолиб бўлганидан сўнг тақдирланган эди.
Жейми Маррей жуфтлик баҳсларида ATP таснифидаги 16 та турнирида зафар қучган. У ва унинг укаси Энди Маррей Дэвис Кубогининг амалдаги соҳиби саналади.
