Таиланд чемпионати мамлакат қироли Пхумипон Адульядетнинг ўлими туфайли муддатидан олдин якунланди.
AFP хабарига кўра, ҳукумат шу ҳақда қарор чиқарган.
Аввалроқ чемпионатнинг сўнгги турлари номаълум муддатга кечиктирилган эди.
5 тур қолганда пешқадам бўлиб турган «Муангтонг Юнайтед» чемпион деб эълон қилинди. Ундан 5 очко ортда қолган «Бангкок Юнайтед» иккинчи ўринни эгаллади.
Энди ФИФА ташкилоти бу воқеага аралашиб, Таиланд футбол федерациясини жазолаши мумкин. Чунки ФИФА қоидасига кўра мамлакат бошқарув идоралари федерация ишларига аралаша олмайди.
