«Бавария» клубининг собиқ раҳбари Ули Хёнесс УЕФА президенти Александер Чеферинни Чемпионлар лигаси финалини АҚШда ўтказиш ғоясига қарши чиқди.
«Чемпионлар лигаси финали Европага тегишли, худди Германия кубоги финали Берлинга тегишли бўлгандек. Халқаро алоқаларни яхшилаш, даромадларни оширишга интилиш кучаймоқда, аммо биз анъаналаримизни унутмаслигимиз лозим. «Бавария» Шанхай, Буэнос-Айрес ёки бошқа жойлардаги мухлислариниям ўйлаши шарт, аммо немис шаҳарларидаги мухлисларини йўқотмаслиги керак» - деди Хёнесс Spox хабарида.
