Бразилиянинг собиқ ҳужумчиси Жаирзиньо миллий терма жамоанинг собиқ ҳимоячиси Карлос Альберто Торреснинг вафоти юзасидан таъзия изҳор қилди.
Жаирзиньо ва Карлос Альберто ЖЧ-1970 ғолиби бўлган эди.
«Карлос Альберто – дунёнинг энг яхши ўнг қанот ҳимоячиси эди. Бразилия футболи унинг ўлимидан чуқур қайғуда. Мен ҳам мотамдаман.
Карлос ҳар доим жамоада яхши муҳит бўлишини таъминлаб турган. Ҳар бир футболчидан энг яхши ҳислатларини намойиш этишни талаб қилган. Ўзи ҳам зўр футбол ўйнаган» - деди Жаирзиньо Globo Esporte хабарида.