Футбол бўйича Бразилия Кубоги ярим финали доирасида «Крузейру» ва «Гремиу» жамоалари ўртасидаги дастлабки учрашувдан сўнг ўйин вақтида юз берган юрак хуружи сабаб вафот этди. Бу ҳақда «ТАСС» хабар бермоқда.
Учрашув 27 октябрга ўтар кечаси бўлиб ўтган ва «Гремиу»нинг 2:0 ҳисобидаги ғалабаси билан тугаган. Ўйин вақтида «Крузейро»га ишқибозлик қилган 37 ёшли Эрос Белизардо стадионнинг бошқа секторида ўтирган қаллиғининг ёнига ўтмоқчи бўлган, бироқ тартиб посбонлари томонидан тўхтатиб қолинган.
Шундан сўнг унинг аҳволи ёмонлашиб, у ҳушидан кетиб қолган. Шифокорлар унга стадионнинг ўзида биринчи ёрдамни кўрсатган, бироқ шифохонага йўлда Белизардонинг жони узилган.
Бразилия Кубогининг «Гремиу» ва «Крузейру» клублари ўртасидаги ярим финал жавоб учрашуви 3 ноябрь куни бўлиб ўтади.
