«Реал» клубининг 20 ёшли яримҳимоячиси Марко Асенсио жорий мавсумни ажойиб тарзда бошлади.
Футболчи 4та мусобақада дебют қилган ўйинларининг барчасида гол урди: УЕФА Суперкубоги, Примера, Чемпионлар лигаси ва Испания кубогида.
Марко 6 гол уриб, энг яхши тўпурар бўлиб олди. Альваро Мората ҳисобида ҳам шунча гол бор, Криштиану Роналду ва Гарет Бэйл бор йўғи 4та гол урган.
Бундан ташқари, Асенсио – мавсумнинг барча мусобақаларида гол урган Испания чемпионатининг ягона футболчисидир. Бу борада у нафақат «Реал», балки «Барселона» ҳужумчилари учлигини ҳам ортда қолдирган.
