Аргентина терма жамоасининг собиқ яримҳимоячиси Хуан Роман Рикельме ҳужумчи Лионель Мессини терма жамоа учун қанчалик муҳим футболчи эканини маълум қилди.

«Месси Аргентинани жаҳон чемпиони қилади деган орзумиз бор. Бунга ишонамиз. У фаолиятида бир қанча финалларда ўйнаган.

Лео – ажойиб футболчи, агар у майдонга тушмаса таркибимиз оддий бўлиб қолади. Агар у жароҳат олса, биз очко йўқотамиз ва уни майдонга қайтишини кутамиз.

Дунёнинг энг яхши футболчиси бизда ўйнамоқда. У билан жамоа умуман бошқача ўйин намойиш этади, усиз эса ҳар қандай жамоага ютқазиши мумкин.

Бразилияга қарши ўйин – ўз кучимизга бўлган ишончни қайтариш учун яхши имконият. Жуда оғир бўлади, чунки Неймар бир нарсани ўйлаб топиши мумкин. Умид қиламанки, Аргентина яхши ўйин намойиш этади ва ғалаба қозонади» - деди Рикельме.