Бугун Олий лигада 27-тур учрашувлари давом эттирилади. "Локомотив" ўз майдонида "Насаф"ни қабул қилади.
Олий лига. 27-тур. 29 октябрь
ЛОКОМОТИВ - НАСАФ
Бошланиш вақти - 16:00
Бош ҳакам: Бахтиёр Намозов (Тошкент)
Ёрдамчи ҳакамлар: Тимур Галеев, Акбар Пўлатов (Тошкент)
Захира ҳаками: Аскер Нажафалиев (Тошкент)
Назоратчи: Александр Попов (Тошкент).
Жадвалдаги ўрни: "Локомотив" 1-ўринда (62 очко), "Насаф" 3-ўринда (54 очко).
Очколар орасидаги фарқ - 8 очко.
ТАЪРИФ: Аввалги турда мағлубиятга учраган "Локомотив" ўз майдонида "Насаф"ни қабул қилади. "Насаф" ўтган ўйинда "Навбаҳор"ни мағлуб этди. Чемпионлик учун ҳаракат қилаётган "Локомотив" учун бу беллашув ниҳоятда муҳим. Чунки жамоа ўз олдига фақат биринчи ўринни эгаллаш вазифасини қўйган, шунингдек "Бунёдкор" билан очколар фарқи янада қисқаришини хоҳламайди.
ФАКТ: "Насаф" иккинчи даврада фақат бир марта ютқазган жамоа бўлиб турибди. Қаршиликлар сафарда "Бунёдкор" меҳмони бўлиб 0:1 ҳисобида мағлуб бўлишган. Қолган учрашувларда эса "Насаф" 8 бор ғалабага эришиб, икки марта дуранг ўйнаган.
ФАКТ: "Локомотив" ўз майдонида бир марта дуранг ўйнаб (иккинчи даврада), қолган баҳсларда уч очколи бўлган. "Темирйўлчилар" уй беллашувларида энг кўп гол урган жамоа бўлиб туришибди. Тўплар нисбати 37-5.
ФАКТ: Қарши шаҳрида кечган биринчи давра ўйинида "Локомотив" 2:1 ҳисобида ғалабага эришган. Ҳужумчи Темурхўжа Абдухолиқов иккита гол уриб, дубл қайд этган. Мезбонлар сафида Эркин Бойдуллаев гол муаллифи бўлган.
