Испания профессионал футбол лигаси (LFP) президенти Хавьер Тебас «Барселона» клуби томонидан уни судга берилиши ҳақидаги хабарларга изоҳ берди.

Эслатиб ўтамиз, Тебас «Валенсия» клубига қарши ўйиндан сўнг «Барселона» футболчиларини танқид қилган, клуб эса уни босим ўтказганликда айбалаган эди.

«Бартомеуни эсида йўқ шекилли, Месси, Сандро Росель («Барселона»нинг собиқ президенти) ва Пикени биринчи бўлиб мен ёнини олганман. Мен ўз фикримни баён қилдим холос, «Барселона»га босим ўтказмадим. Судга мурожаат қилиш – уларнинг ҳуқуқи. Ишончим комил, мени гапларим ҳуқуқий чегарадан чиқиб кетмади ва мени айблашга сабаб йўқ» - деди Тебас.