«Реал» ҳимоячиси Марсело «Алавес» (4:1) клубига қарши ўйиндан сўнг ўз фикрини маълум қилди. Учрашувда Роналду хет-трикка эришган эди.
«Криштиану уч голга эмас, уч очко қўлга киритилганига кўпроқ хурсанд бўлди. Анчадан буён гол уролмаётганига жиғибийрон бўлиб юрганди.
Мен узатмани нишонламадим, голни нишонладим. Моратанинг гол урганидан хурсанд бўлдим.
Ҳакамлар ҳақида одамлар кўп гапиришади. Улар баъзан яхши ишлашса, баъзан хато қилишади.
Ла Лига — ҳакамлар учун мураккаб мусобақа, исталган ўйинда хатога йўл қўйишлари мумкин.
«Алавес» — қийин рақиблардан бири. Биз йирик ҳисобда ғалаба қозонган бўлсак-да, мураккаб ўйинни ўтказдик» - деди Марсело.
