"Локомотив" - "Насаф" (3:2) ўйинидан сўнг меҳмонлар устози Рўзиқул Бердиев ўз фикрини маълум қилди.
-Ўзларингиз гувоҳ бўлдиларингиз учрашув кескин ва тенг курашлар остида кечди. Бугунги ўйинда камида дурангга лойиқ эдик. Учрашув сўнггида яна гол уриш учун бир неча вазиятлар ҳам ярата олдик. Афсуски бу вазиятлардан фойддалана олмадик. Рақиб била тенг кураш олиб бориб, мағлубиятга учрадик.
Ҳеч бир мураббий ўйиндан олдин жамоасини ғалаба қозонишини айта олмайди. Бугун футболчиларимиз жуда яхши ўйин намойиш этишди. Камида дурангга лойиқ эдик. Ҳаттоки ғалаба ҳам қозонишимиз мумкин эди. Биз ўйинчиларимизни ана шу мақсадда бугунги ўйинга руҳан ҳам тайёрлаган эдик.
Муҳаммадиевнинг бугун майдонга тушмагани, у ўтган “Навбаҳор”га қарши учрашувда енгил жароҳат олган эди. Шу туфайли у кейинги машғулотларимизда ҳам иштирок эта олмади. Жароҳатидан фориғ бўлган бўлсада, шифокорларимизнинг тавсиясига мувофиқ уни бугун майдонга туширмадик. Фарруҳ Сайфиев бизда универсал ўйинчи ҳисобланади. У ҳар иккала қанотда ҳам яхши ўйнай олади. Уни чап томонга, яъни Раҳматовни ўрнига алмаштирганимизга сабаб, Бикмаев Раҳматовни анча шошириб қўйди. Шунинг учун кейин Раҳматовни ўрнига бошқа ўйинчини ҳам туширдик.
