Италия терма жамоасининг бош мураббийи Жампьеро Вентура «Шаньдун Лунэн» ҳужумчиси Грациано Пеллени навбатдаги ўйинларга чақирмаслигини маълум қилди.
«У билан гаплашиб олдимми? Йўқ, Хитойга қўнғироқ қилиш жуда қиммат.
Пелленинг ҳатти-ҳаракатини ҳақорат деб ҳисоблайман. У терма жамоа обрўсига ҳам путур етказди. Энг катта хатоси мана шунда.
Уни навбатдаги ўйинга чақирмадим. Ўйлаб олиш учун вақт керак. Пелле ҳали ёш, келажакда Италия учун фойдаси тегиши мумкин» - деди Вентура Rai Sport эфирида.
Эслатиб ўтамиз, Пелле ўйинлардан бирида алмаштирилаётганда бош мураббий қўлини сиқишдан бош тортганди ва терма жамоадан четлатилганди.
