ФИФА ЖЧ-2018 саралашидан ўрин олган Англия – Шотландия ўйинида, жамоаларга лола-қизғалдоқ тасвири туширилган футболкаларда майдонга тушишга рухсат бермади.
Гап шундаки, лола-қизғалдоқ - Британияда уруш қурбонлари хотирасига ҳурмат белгиси ҳисобланади.
Mirror хабарига кўра, ФИФА бу белгини сиёсий тимсол деб ҳисоблайди ва қоидага кўра, футболчиларнинг кийимида тасвирланишини тақиқлайди.
Эслатиб ўтамиз, ЖЧ-2018 саралашидан ўрин олган Англия – Шотландия ўйини 11 ноябрь куни «Уэмбли» стадионида ўтказилади. Шу куни Британияда урушда ҳалок бўлган аскарлар хотираси анъанавий тарзда ёдга олинади.
