Ўзбекистонлик ФИФА рефериси Равшан Эрматов 2016 йилдаги клублар ўртасидаги Жаҳон чемпионатида ишлаш учун таклиф этилди.
8 – 18 декабр кунлари бўлиб ўтадиган ушбу мусобақа ўйинларини бошқариб бориш учун ҳар бир минтақадан биттадан ҳакамлар бригадаси жалб этилган. Осиё Футбол Конфедерациясидан баҳрайнлик Навоф Шукруллоҳ бошчилигидаги ҳакамлар бригадаси бу турнирда ишлайди. Ўзбекистонлик Равшан Эрматов ушбу ҳакамлар бригадасига видео такрорлар бўйича ёрдамчи ҳакам сифатида киритилган.
Таъкидлаш керакки, ФИФА ушбу турнирда илк бор футбол ҳакамлари ишини енгиллаштириш ва қарорлар адолатлилигини таъминлашни мукаммаллаштириш мақсадида видео такрорлар технологиясини амалга тадбиқ қилиб кўради.
Клублар ўртасидаги ЖЧда иштирок этадиган осиёлик ҳакамлар:
Бош ҳакам: Навоф Шукруллоҳ (Баҳрайн, 1976)
1-ассистент: Ёсир Абдуллоҳ Тулефат (Баҳрайн, 1974)
2-ассистент: Иброҳим Солиҳ (Баҳрайн, 1974)
Видеотакрор бўйича мутахассис: Равшан Эрматов (Ўзбекистон, 1977)
