Европа лигасининг ўтган мавсумидаги 56 иштирокчиси УЕФА дан 411,1 млн евро мукофот олди, деб хабар бермоқда ташкилот сайти.

Бу аввалги мусобақага қараганда 170 млн еврога зиёддир.

Энг кўп маблағни - "Ливерпуль" (37,8 млн), "Тоттенхэм" (20,8 млн), "Вильяреал" (16,4 млн) ва "Лацио" (15,3 млн) клублари ишлаб олган. Мусобақа ғолиби «Севилья» Чемпионлар лигасидан Европа лигасига ўтгани боис, даромадлари алоҳида ҳисобланиб, пешқадамларникидан анча кам бўлган.

МДҲ мамлакатларининг вакилларига тўхталадиган бўлсак, "Краснодар" ва "Локомотив Москва" - 6,7 млн, "Днепр" - 5 млн, "Шахтёр" - 4,6 млн, "Рубин" - 4,5 млн, "Қорабоғ" - 3,3 млн, "Динамо Минск" - 3,2 млн, "Габала" - 3 млн евро ишлаб олган.