«Эвертон» ҳужумчиси Ромелу Лукаку жорий мавсумда жамоадоши Янник Болази томонидан узатилган тўплардан сўнг 4та гол уришга муваффақ бўлди.

Натижада «Болази – Лукаку» - АПЛнинг энг самарали жуфтлигига айланди.

Яқинда Болази бу борада ўз фикрини маълум қилди ва жуфтликнинг сирини очди.

«Ҳар иккаламизнинг ота-боболаримиз Африканинг Конго давлатидан келиб чиққан. Бундан ғурурланамиз.

Ўйин пайтида эса фақат иккимизга маълум бўлган лингала тилида гаплашамиз. Рақиб ҳимоячилари буни тушунмайди. Натижада бу бизга бироз ташаббус беради. Лингаладан фойдаланиш осон, бу тилдаги сўзлар жуда қисқа» - деди Болази.

Эслатиб ўтамиз, лингала – Конго давлатида яшовчи халқ тили бўлиб, унда 10 миллионга яқин аҳоли гаплашади.