Гарет Бэйл «Реал»да ўйнаган давридаги ўзи учун энг муҳим уч воқеани санаб ўтди.
«Бу жуда осон. Икки марта Чемпионлар лигасида ғалаба қозонганимиз ва Испания кубоги финалида «Барселона»ни мағлуб этганимиз.
Чемпионлар лигаси қандай муҳим мусобақа эканини тушунтириш шарт бўлмаса керак. Испания кубогига келадиган бўлсак, «Барселона»га гол уришни тил билан таърифлашга ожизман, ажойиб ҳиссиёт бўлган эди.
Ҳар иккала жамоа кўплаб ҳужумларни амалга оширганди. Ҳужум қилиш учун бўшлиқни кўриб қолганимда, ҳеч ким мени тўхтата олмаса керак деб ўйлаганман. Бу воқеани эслаш ёқимли» - деди Бэйл Real Madrid TV эфирида.
