«Тоттенхэм Хотспур» клуби бош мураббийи Маурисио Почеттино Чемпионлар лигасидан ўрин олган «Байер» (0:1) клубига қарши ўйиндан сўнг ўз фикрини маълум қилди.
Жамоа «Уэмбли» стадионида қаторасига 6-марта мағлубиятга учраган эди.
«Яратилган вазиятлар сонига қарасак, «Байер» билан тенг бўлдик. Аммо улардан фойдалана олмай, ўйинда ғалаба қозонишнинг иложи йўқ.
Мағлубиятларда «Уэмбли»ни айблаш – нотўғри. Бу ажойиб стадион, жон деб бу ерга ташриф буюраман. Муаммо «Уэмбли»да эмас, балки ўзимизда. Юқори савиядаги ўйинни намойиш этолмаяпмиз. Энди қолган икки ўйинда ғалаба қозонишимиз керак. Ҳаммаси ўзимизнинг қўлимизда» - деди Почеттино.
