"Барселона" клубининг мухлислари юртимизда кўплаб топилади. Ўзбекистонлик ишқибозлар "кўк-анорранглилар"нинг ўйинларини доимо кузатиб боришади, клубга мухлислик қилишади.

Каталония жамоаси дунёнинг турли давлатларида ўзининг расмий фан-клубига эга. Ҳозирда эса Отабек Адилов бошчилигидаги ўзбекистонлик мухлислар ҳам расмий мақомга эга бўлиш мақсадида "Барселона" клубига ариза топширишган. Улар клубнинг жавобини кутишмоқда. Ўзбекистон фан-клубга расмий мақом берилганидан кейин ишқибозлар имтиёз асосида "Барса"нинг ўйинларини жонли кўриш учун имкониятларга эга бўлишади. Фан-клубга "Penya BarçaMania de Tashkent" (қисқача номи — "UzPenya") номи берилиши режалаштирилмоқда.

Ҳозирча эса, мазкур фан-клубга аъзо бўлишни истаган мухлислар, телеграмдаги "БарсаМания" канали орқали "Барселона"га доир маълумотлар билан танишиб боришлари мумкин. Унда сиз клуб ҳаётига оид энг сўнгги янгиликлар билан танишиб борасиз. Тузилажак фан-клубга аъзолик шартлари ҳам телеграмдаги канал орқали танишишингиз мумкин.

"UzPenya"да кўришганча!