Испания матбуоти «Олтин тўп-2016» соврини учун кураш Лионель Месси ва Криштиану Роналду ўртасида кечиши ҳақида ёзмоқда.
Ёзда Роналду бу совринни қўлга киритиш учун яққол фаворит эди. Аммо ҳозирги пайтда унинг имкониятлари анча пасайиб кетди. Жароҳат олганидан сўнг Роналду мавсумни яхши бошлай олмади. Унинг рақиби Месси эса аксинча, сермаҳсул ўйини билан барчанинг диққат эътиборига тушди.
Diario Gol нашри ўз манбаларига таянган ҳолда, «Олтин тўп -2016» совринини «Барселона» ҳужумчиси Лионель Месси қўлга киритади деб ҳисобламоқда. Криштиану Роналду эса ФИФА томонидан топшириладиган - «Йилнинг энг яхши футболчиси» совринини қўлга киритади.
Эслатиб ўтамиз, жорий мавсумдан бошлаб «Олтин тўп»ни Франс Футбол нашри топширадиган бўлган.
