“Андижон” – “Бунёдкор” учрашувидан кейин ҳар иккала жамоа устозлари иштирокида матбуот анжумани ташкил этилди. Дастлаб меҳмонлар бош мураббийи Сергей Лушчан журналистларнинг саволларига жавоб берди.

"Бугун курашларга бой ўйин бўлди. “Огород”да футбол ўйнаб бўлмайди. Бу каби майдонда ҳаракатларимиз ўхшамади. “Андижон” жамоасини бир очко билан табриклайман. Улар олий лигада қолсалар хурсанд бўламан. Бу вилоят жамоаси элитада қолишга ҳақли.Чемпионлик йўлидаги имкониятларимиз кескин пасайиб кетди. Шунга қарамасдан олдиндаги учрашувларда фақат ғалаба учун майдонга тушамиз. Қолаверса, бизни кубок доирасидаги “Локомотив”га қарши муҳим баҳс кутиб турибди. Бугунги учрашувда терма жамоага номзод футболчиларимизни захирада қолдирмоқчи эдик. Сабаби уларга муҳим баҳслар олдидан дам беришимиз лозим эди. Бироқ Алемпиевич кутилмаган жароҳатга йўлиқгач, Шукуровни асосий таркибга туширишга мажбур бўлдик", - дейди Сергей Лушчан.