"Фенербахче" ҳимоячиси Симон Кьер Европа лигаси учрашувида "МЮ" ҳужумчиси Златан Иброҳимовичнинг ҳулқи борасида фикр билдирди.
"У менга нима деганини аниқ эшитмадим, аммо хурсанд эмасди. Мен уни майдонда айнан шундай кўраман. У ўзини димоғдор тутадиган ва туртишишни яхши кўрадиган ўйинчилардан. Уларнинг ўйини шундай.
Менинг усулим - унга қарши яқинроқ ўйнаш, мўлжали учун камроқ ҳудуд қолдиришдир, чунки у жуда яхши ўйинчи.
Бу футболнинг бир қисми, буни юрагимга яқин олмайман. Мен унга биринчи марта дуч келаётганим йўқ, унинг феълини биламан. Ҳеч қандай муаммо йўқ, бу ўйиннинг бир қисми, холос", - дейди Кьер.
