«Барселона» ҳужумчиси Лео Месси тиззасидан жароҳат олганида жамоадоши Луис Суарес билан дўстлашиб қолган.
Каталониялик журналист Хави Кампос El club de la mitjanit дастурининг эфирида иккала футболчи билан боғлиқ қизиқарли вазиятни гапириб берди.
«Ўтган йили Лео «Лас-Пальмас»га қарши ўйинда тиззасидан жароҳат олди. Шундан сўнг у ҳассага таяниб қолди ва автомобил ҳайдашдан маҳрум бўлди. Луис Суарес эса унга ёрдам беришга қарор қилди ва ҳар куни автомобилида жамоа қароргоҳига олиб келарди. Натижада иккаласи қалин дўст бўлиб қолишди.
Бу борада Мессининг ўзи ҳам ҳазил қилиб: «Ярамас Суарес туфайли анча яхши одам бўлиб олганман» - деган.
