«Манчестер Юнайтед» клубининг собиқ ҳужумчиси Эрик Кантона Англия терма жамоасини бошқариш имкониятига эга эканини гапирди.
«Агар мен мураббий бўлганимда, бундай вазият юзага келмаган бўларди. Нега? Чунки мен Эллардайсга ўхшаб, қоидаларни қандай четлаб ўтиш ҳақида маслаҳат бермаган бўлардим. Бу қоидаларни умуман билмайман.
Албатта мен мураббийликка номзодлар орасида фаворит эмасман. Бироқ Англия ҳар уч ойда мураббий алмаштирадиган бўлса, ЖЧга қадар менда ҳам имконият пайдо бўлади. Шундай экан, қўнғироқни кутиб қоламан» - деди Кантона A Bola хабарида.
