Россия футбол мутахасислари чемпионат ўйинларини «баҳор-куз» тизимига қайтаришни талаб қилишмоқда.

Кеч куз ва эрта баҳорда иқлим шароитларининг оғирлиги, ҳавонинг кескин совиб кетиши натижасида айни пайтдаги «куз-баҳор» тизимидан футболчилар ва мухлислар озор чекмоқда.

Бу борада «Терек» клуби вице-президенти Хайдар Алханов ўз фикрини маълум қилди.

«Мен ҳар доим «куз-баҳор» тизимига қарши бўлиб келганман. Негадир шу тизимга ўтишни кўпчилик ёқлаб чиққан. Энди «баҳор-куз» тизимига қайтишимиз керак. ЦСКА - «Амкар» ўйинида юз берган вазиятни ҳамма кўрди. Тиззагача қорда ўйнаш – футболми?» - деди Алханов.