"Арсенал" яримҳимоячиси Месут Ўзил "Реал"даги собиқ жамоадоши Криштиану Роналду ҳақида илиқ фикрлар билдирди.

"Роналдуга ўхшаган футболчини ҳеч қачон кўрмаганман. У машғулотларга биринчи бўлиб келади ва охирги бўлиб кетади. У катта профессионал, у ҳатто машғулотларда ҳам мусобақалашишни яхши кўради.

Менга у билан ўйнаш ёқарди, у менинг савиям ошишига ёрдам берган. У яхши йигит ва яхши дўст. Албатта, мен унга кўплаб голли узатмалар берганман. Агар унга икки марта тўп узатсам - у иккаласини ҳам голга айлантира оларди.

У ажойиб футболчи. Дунё футболи тарихида энг яхшиларидан бири", - дейди Ўзил.