Қарши шаҳридаги “Насаф” футбол академияси майдонларида , олий ва биринчи лига жамоаларининг футбол академиялари тарбияланувчилари ўртасида республика чемпионатининг финал босқичи бўлиб ўтмоқда. Бу мусобақада 2000 ва 2001- йилда туғилган футболчилар иштирок этишмоқда.
“Қўқон-1912” футбол мактаби тарбияланувчилари ҳам ушбу мусобақада қатнашиш ҳуқуқини қўлга киритишган. Мусобақада тўққизта жамоа икки гуруҳга бўлинган ҳолда иштирок этишмоқда. Бизнинг жамоамиз Пахтакор(Тошкент), Машъал(Муборак) ва Динамо(Самарқанд) жамоалари билан бир гуруҳдан ўрин олган.
Икинчи гуруҳдан эса Бунёдкор(Тошкент), Насаф (Қарши), Бухоро . Андижон ва Уз-Донгжу жамоаларининг тарбияланувчилари ўрин олишган.
Эрнест Асанов шогирдлари Қаршидаги мусобақанинг биринчи ўйинида “Машъал” жамоаси тарбияланувчиларига имкониятни бой беришди. Навбатдаги ўйинларда ёш футболчиларимизга омад тилаймиз.
