«Реал» клубининг ҳужумчиси Криштиану Роналду Чемпионлар лигасидан ўрин олган Лиссабоннинг «Спортинг» клубига қарши ўйинни интиқлик билан кутаётганини маълум қилди.

Эслатиб ўтамиз, Роналду «Спортинг» клубининг тарбияланувчиси ҳисобланади ва 2002-2003 йилларда шу жамоа шарафини ҳимоя қилган.

«Лиссабонга қайтиш – мен учун алоҳида аҳамиятга эга. Икки ёки уч йил олдин «Олд Траффорд»га қайтганимни яхши эслайман. Энди 11 ёшдан 18 ёшимгача ўйнаган клубимга қарши майдонга тушиш учун бораман. Қадрдон стадион, эски дўстларни кўриш мен учун ёқимли.

Барчаси «Спортинг» клубида бошланган. Шунинг учун ҳам Португалияга, иккинчи уйимга айланган Лиссабонга қайтиш мен учун алоҳида аҳамиятга эга.

Бироқ бу ўйинда ғалаба қозонишни истайман, чунки «Реал» шарафини ҳимоя қиламан» - деди Роналду Sky Sports хабарида.