Россия чемпионатининг 1-лигасида (ФНЛ) 21-тур ўйинлари ўтказилди.

«Тосно» клуби сафарда «Мордовия» билан ўйнаб, 2:0 ҳисобида ғалаба қозонди. Бу натижадан сўнг «Тосно» 44 очко жамғариб, 2-ўринга мустаҳкам ўрнашиб олди. Пешқадам «Динамо» клубидан уларни 3 очко ажратиб турибди.

Ҳамюртимиз Вагиз Галиулин ўйинда асосий таркибда майдонга тушиб, 83-дақиқада алмаштирилди. Чемпионат бошидан буён Галиулин жами 16 ўйинда майдонга тушиб 3та гол урган.

ФНЛ — Биринчи дивизион. 21-тур

Мордовия (Саранск) – Тосно (Тосно) – 0:2

Голлар: Заболотный, 9 (0:1); Палиенко, 19 (0:2).