«Ман Сити» ҳужумчиси Серхио Агуэро бош мураббий Хосеп Гвардиола билан муносабатлари яхши эканини маълум қилди.

«Гвардиола билан орамизда муаммо бўлмаган. У ҳар доим менга ёрдам берган. Парагвайга қарши ўйиндан кейин таъбим хира эди, бироқ Пеп менга далда берди ва мағлубиятни тезроқ унутишим шартлигини айтди. У менда янги ғалабаларга иштиёқ уйғотди.

Айни пайтда «Ман Сити» клубида бахтиёрман. Агар уни тарк этадиган бўлсам, фақат «Индепендьенте»га қайтаман. «Реал»? «Сити»да бахтиёрман, бу ерга Гвардиола ўтганидан эса янада мамнуман» - деди Агуэро 101greatgoals хабарида.