Бугун "Навбаҳор" аъзолари “Бунёдкор” билан ўтадиган учрашувга муносиб тарзда ҳозирлик кўриш мақсадида Тошкент шаҳрига йўл олишди.
Бундан бироз вақт олдин футболчилар пойтахтдаги дастлабки машғулотни якунлашга улгуришди. Тошкентдаги машғулотлар “Бунёдкор”га қарши учрашувга қадар давом эттирилади. Бу вақт оралиғида битта назорат ўйинида майдонга тушиш ҳам режалаштирилган. 13 ноябрь куни бўлиб ўтиши кўзда тутилган ўйиндаги рақиб номига ҳозирча аниқлик киритилганича йўқ. Айрим жамоалар билан бу борада музокараларга киришилган. Тез орада рақиб номига ойдинлик киритилгач, бу ҳақда қўшимча маълумот бериб ўтамиз.
