Жасур Абдураимов мураббийлик қилаётган Ўзбекистон U22 терма жамоаси Хитойдаги Халқаро турнирда иккинчи учрашувини ўтказди.

Мезбон Хитой U22 термасига қарши беллашувда ҳисоб очилмади — 0:0. Ўзбекистонлик футболчилар турнирнинг 1-турида Мексикадан 0:2 ҳисобида мағлуб бўлганди.

Гуруҳдаги иккинчи беллашувда Вьетнам ва Мексика олимпиячилари 0:0 ҳисобида дуранг ўйнади. Қайд этиш керак, вьетнамликлар илк турда Хитой билан ҳам голсиз дуранг қайд этганди.

2-турдан кейин Ўзбекистон 1 очко билан гуруҳда сўнгги ўринни эгаллаб турган бўлса, Мексика ҳисобида 4, қолган икки термада эса 2 тадан очко бор.

Гуруҳдаги сўнгги тур беллашувлари 13 ноябрь куни бўлиб ўтади. Унда Ўзбекистон терма жамоаси Вьетнамга қарши кураш олиб боради.

Халқаро турнир

1-тур
Ўзбекистон — Мексика 0:2
Хитой — Вьетнам 0:0

2-тур
Вьетнам — Мексика 0:0
Хитой — Ўзбекистон 0:0

3-тур (13 ноябрь)
Мексика — Хитой
Ўзбекистон — Вьетнам