«Сассуоло» ҳужумчиси Доменико Берардининг агенти Симоне Сегедони мижози билан «Ювентус» ва «Интер» қизиқаётганини маълум қилди.
«Ноябрда трансфер ҳақида гапириш осон эмас. Ёзда Доменико «Сассуоло» клубида қолишга қарор қилганди.
Келажакда ҳар нарса рўй бериши мумкин. «Интер» ва «ювентус» у билан қизиқмоқда, бироқ якуний қарорни футболчининг ўзи қабул қилади.
Аммо айни пайтда у «Сассуоло» футболчиси» - деди агент.
Берардининг «Сассуоло» билан тузган шартномаси 2019 йилда ўз ниҳоясига етади. Унинг трансфер нархи 20 млн еврога тенг.
